U President ka Khun Hynniewtrep National Awakening Movement (KHNAM) uwa man leh u MLA ka North Shillong, u Adelbert Nongrum da dawa u na ka sorkar Meghalaya wa toh u booh ya ka Police Outpost neibynta u chngaaiñ ki paidbah ha khappood wei kamjooh wow pynkreh ya ki kaam pynroi ha ki khappood khnang wa kiwa chong chnong ym chaniah du ha ki kaam pynroi ka sorkar Assam.
U Adelbert da e u yei yaroh leh yei chim luti yong ka sorkar MDA neibynta wow pynbait ya u pood u ang, wei da ong u wa lada ka sorkar ye ko wow booh chwa ya ki Police Outpost wei wow lai chakhmat ki kaam pynroi ha khappood katwa dang lai ka yaklam, oo da man u uwa smat wow chimbynta ha i lehkmen dap 50 snem ka jylla.
U Adelbert rap nachwa da kyntait u wow chimbynta ha ka lehkmen dap 50 snem yong ka jylla lada ym ye wow pynbait chwa ya u pood u ang, deiwa ong wa ym em yumut wow lehkmen næ ah Cake katwa kiwa chong chnong ha khappood dang maad ki yei eh.
