U Montri Rangbah ka jylla, u Conrad K Sangma da kyntait u wa em i pynrkhiñ ha i rukom thap kreh pulit neibynta i chim tika yada COVID-19, heiwa da ong u wa daw puræ bniah u yei phah ka Central Recruitment Board wow leh iwon iwon.
Da ong u wa boi em ki bynta kitu ki wym pu chim tika ye u paan ya ka RT-PCR Report wow pyntikna wa ym em u chah ktah ki ha uni u khñiang kjut.
Chooh chooh da ong u wa lada em ki kyndon wa pynrkhiñ daw em i dooh wa i yoh myntoi tangwa neiliang ka sorkar daw chim ko ya i rai wa bha tam neibynta i bha yong waroh, heiwa da ong u wa lada emkaam daw yaklam u wa ka chnat wow pynbait biang ya ki kyndon deiwa booh hakhmat dooh ya i chngaaiñ ha i chait i khiah.
