Jowai: U Union Home Minister ka ri u Rajnath Singh ynne ka sngi da ong u wa i yakam ya i thaw wa tip kam i Doklam hapyrdi ka India wa ka China daw kut noh i deiwa suk. Da ong u wa ki chiphai ka India biang hi ki yei bor wow yada ya u pood u ang ka ri wei ka India leh ym kwah ko u pynheh ya u pood u ang yong ka wei kwah ko yei suk ymtoh ya ka thma.
Yeini da ong u ha ka yalang ka Indo-Tibetan Border Police (ITBP) ynne ka sngi heiwa da pyntip u wa u Narendra Modi da khut lang u ya waroh ki heh ki ri wa em marjan ka ri heipor pynbaamsmai ya oo kam u Montri Rangbahdooh ka ri neidaw wa ong u wa ya ki lok ye u kylliang tangwa ya ki ri wa em hajan wa India ym ye u kylliang ki.
Da pyntip u leh wa ki pulit ITBP kiwa pait ya u pood ka India wa ka China nadooh u snem 2011 ympu em u yoh wow pynku kyrdan ya ki tangwa kattæ leh ki kreh hok ki yei kaam yong ki. Da kular u leh wa ka tnat Ministry of Home Affairs (MHA) daw yarap ko ya ki ha kiwa boon jait nadooh ka pynyoh ki yung ki sem wa kiwi kiwi de kiwa emkaam ki.
U Kiren Rijiju MoS (Home) ha kani ka yalang da ong u wa yooluti u wa kani ka sngi daw e mynsien ko ya ki ITBP hadien wa da kular ka MHA u pynkrehkaam ya waroh wa da kular ka sorkar ya ki.
U RK Pachnanda DG, ITBP, ong wa i pynku kyrdan chadooh 1,654 ki dkhot ka ITBP ynne ka sngi, wa da sah la 6 snem toh deiwa krehchitom ka MHA.
I yaknieh ya i Dokalam da jia i hadien wa pynsangeh ki ITBP ya ki chipai ka China heipor wa mut ki u chna sarok ha ini i thaw.
Ka China da kam ko ya ini i thaw toh i yong ka iwa em chibynta ha Tibet, Bhutan wa ha Sikkim.
Discussion about this post