August 21, 2017
Shillong: U District Magistrate, East Khasi Hills, da ong u wa da yoh yutip wa noh jhep ki bru ha ki thaiñ Umkaliar, Demseiniong wa Nongmynsong wei ki tnat sorkar yaleh ki katwa ye u pynneh yei khooid i jngiar ha kani ka thaw.
Da ong u leh wa lyngba kini ki thaw chiboon kiwa kjut wa lai thooh dawai na NEIGHRIHMS kamjooh ki bru paidbah kiwa lai luti neini.
U District Magistrate da hukum u leh ya waroh ki paidbah kamjooh ki tnat sorkar wow yaleh katwa ye u pynneh pynsah yei khooid i jngiar ha kini ki thaiñ wei da phah leh ya ki dukan dukdoh yow pynkhooid ki ya ki rood dukan yong ki wei wow yabhah yai i jhep, u pyntikna wa ymhoi u kset ki dooid ki liar deiwa pynbait wa ki tnat sorkar.
Kamtæ khnang wow pynneh yei miat kamjooh i khooid i jngiar da pynkrehkaam ya ka Section 133 CrPC wei kiwa leh pyrchah daw chah pynchitom ki katkam ka aiñ.
