U Montri Rangbah ka Jylla, u Conrad Kongal Sangma da ong u wa ka sorkar ym elaad ko ya kiwa tih mooyong pyrchah aiñ, tangwa da ong u wa hanla em ki aiñ, ki bru dang tyngkheiñ ki ya ki wei ka aiñ daw pynchitom hi ko ya ki bru wa leh kaam pyrchah aiñ.
Da ong u wa neiliang ka sorkar daw khang bait ko ya ki kaam pyrchah aiñ, wei ki bru kiwa leh pyrchah daw pynchitom ya ki deiwa khor.
Heiyatoh wa i chah tlep ki 5 ngut ha Umpleng, East Jaiñtia Hills, u Conrad da ong u wa da em i thmu tih biang ya u mooyong ha ini i thaw neibhah wa da man ko ka thaw kawa da sah chrah donhi.
Da ong u wa hajrong ini i jia, neiliang ka sorkar da phah ko wow tooh ya ki bru wa chah tlep ha kani ka krem, deiwa pynrap wa toh i kaamram ka sorkar wow sai ya kiwa sahkut waroh.
Hajrong i dawa ka liang pyrchah wow pynman da ka takit wa laitlooid, u Conrad da ong u wa ka sorkar daw pait bniah ko yeini i dawa wei hadien ini daw chim won ya i rai.
