15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Wan pyndem u tre ka paar moo, dang thooh sa ya u sordar

U montri ki kaam pohyung ka jylla, u Lahkmen Rymbui da ong u wa hapoh 3 sngi ki pulit da chem ki ya ki bru wa emkti wow tih mooyong pyrchah aiñ ha Umpleng, East Jaiñtia Hills District iwa da wanrah yei chah tlep ki 5 ngut ki bru ha ka 30 tarik u Naisan wei neiliang u DC ka District da thung u da ka takit hajrong ini i jia. 

Da pyntip u wa ki pulit da takit ki ya waroh kiwa emkti, wei u tre kani ka paar moo ya uwa tip kam u Shining Dkhar na Sutnga, ynnin ka sngi da wan pyndem u ha ki pulit wei katni won dang thooh sa ya u sordar wa pynkreh ya kani ka paar moo.

U Lahkmen da ong u wa ynnin ka sngi chirup wa u Kyrmen Shylla da lai pait ki ya i thaw heiwa ka um yillu ko kamwa 152 phut wei man i iwa eh ya ki pulit wa ki SDRF wow thooh ya kini ki bru na ini i krem wei khamtam i pynthut yong u slap. 

Chooh chooh da ong u wa da pynpoi ya 3 tylli ki kor wow taan ya ka um na katai ka thaw, wei ynnin ka sngi ki NDRF leh da poi ki ha ini i thaw wow yarap wei da kyrmen skem u wa daw ye noh u sdang thooh ya kini ki bru napoh kani ka krem. 

Share this:
Previous

Dawa ki MLA ka Jaiñtia wow booh ya ka CCC, RT-PCR Center wa ka Oxygen Plant ha ka thaaiñ

Next

Daw pynchitom deiwa khor ya kiwa tyngkheiñ ya ka aiñ: Conrad