Daw pynkup burom ka Seiñ Kur Dkhar Wapung Circle ya ki khon ka kur

Ka Seiñ Kur Dkhar Wapung Circle daw pynkup burom ko ya ki khon ka kur kiwa da lehbha ha ka SSLC, HSSLC, Graduation, Post Graduate wa ki Professional Course ha ka 28 tarik uni u bnai December ha chnong Iongkaluh heipor 10:00 waje i step.

U President ka Seiñ Kur Dkhar, u Shaniahskhem Dkhar, da pyntip u wa ini i pynkup burom toh neibynta ki khon khynroo ka Seiñ Kur Dkhar kiwa haap ha ka Wapung Circle kiwa kynthup ya ka Jalyiah, Khliehmyntriang, Wapung Shnong, Wapung Skur, Pamra Kmai, Pamra Paithlu, Mookhep, Iongkaluh, Sohkymphor, Iongkaluh wa ka Lummulieh.

I thmu yong i pynkup burom toh wow e mynsien ya ki khon ka kur khnang wow dang lehbha ki ha i puræ puthi wow wanrah burom ya ka kur ka chnong ka thaw wa ya ka jylla hi waroh kawi.

Related posts

Sa ha Jowai pynman ka JSM ya ka yakob thoh chithi cha u CM yow khana yei chah ktah nei khang tih mooyong

June 27, 2026

Hadooh 100 tre ki dieñ thung ka Loomkyrwiang UPHC lyngba ka JAS ha Riat Iong Iam

June 27, 2026

Da pyntip leh wa ki khynnah wow chah pynkup burom toh kiwa dadep e ya ki Marksheet yong ki.

Neiliang ka Seiñ Kur Dkhar Wapung Circle da khut ko ya ki para kur wow embynta ha katai ka sngi nadooh ki manbei manpa, ki khon kamjooh ki kñi ka kur khnang wa ka yalang pynkup burom u man ko kawa jop.