Ka Pick Knit Store, Jowai da pynbna ko wa daw pynman biang ko hei sien wa ar namo ka 2nd Batch ka Creative Craft Workshop for Kids nadooh ka 3 tarik hadooh ka 8 tarik uni u bnai February, 2025 ha yung skur warim ka Tympang Club, Iawmusiang Jowai.
Kani u man ko neibynta ka chi tayaaw ya ki khynnah kiwa da em 5 snem chaneiñ yow ka’it ki wow pynemkaam yei kti ki yow thaiñ (Crocheting) wei wow chna ki jait kpieñ ki khadu (Beading) deilang ka Painting ki wow pynyoo wei sikai da ki bru wa pliah ha ini i kaam.
Ha kani ka Workshop daw sikai chaphang kammon wow leh Crochet, Beadwork wa Painting ha itæ i rukom wa suk wei deiwa pynkmen ya ki khynnah da ki bru wa tip wow leh yeini wei ya ki tiar ki tar wa emkaam daw e dei mynkna wei ye leh wow rah ki khynnah cha yung ya iwa dadep chna ki yow sahkynmoo ki.
Kani ka Workshop e laad ko leh ya ki khynnah wow pynyoo yei sap yong ki kamjooh yow tip ya iwa thymme deiwa ka’it kasar.
Ka bai chimbynta u man ko Rs. 800 neibynta 6 sngi wei i por wow pynman toh nadooh 3:00 waje hadooh 5:00 i janmiet.
Kiwa kwah wow chimbynta ki khon ki ye ki wow WhatsApp/Phone ha u-8257029112/7005504143.
Ye phi leh wow tip bniah deiwa bood ya kini ha Instagram: https://www.instagram.com/pick.knit.store/
Discussion about this post