15 49.0138 8.38624 1 0 4000 1 https://wyrta.com 300 0
Advertisement ad1

Daw pynman ïa ka 2nd Invitation Football Tournament ka Jalapang Sports Club Wahiajer

0 Comments

Jowai: Ka yakhun chutbol kawa da tip kam ka 2nd Invitation Football Tournament kawa da pynlai da ka Jalapang Sports Club, Wahiajer West Jaintia Hills District daw sdang ko ha uni u bnai wow wan, ha madan Mini Stadium Wahiajer.

I thmu yong kani ka yakhun man ko wow pynku ïa ka sap yalehke bol yong ki khynroo kiwa em ha kani ka thaiñ. Heijooh i por man ko wow yarap ïa ki khonswet kiwa em ha Wahiajer. Kamtæ ki nongpynlai khut sñiawbha ki ïa ki Club kiwa em hapoh ka bri u ynñiaw wasa wow yachim bynta ki ha kani ka lympung yalehke. Ka yalehke u man ko ka Knock Out wei daw pdiang du 32 tylli ki dhab (teams).

Kiwa jop u yoh ki ka song poisa T.2,00,000 (Ar Lak) kiwa man wa-ar u yoh ki T. 1,00,000 (Chi Lak) tyngka. Ka bai psiah (Entry Fee) u man ko T 1,500 chi team, T 2000 ar team. Ka sngi khaddooh wow pynpoi ïa ki pyrtuid toh ha ka næ chwa ka 07.11.2015. Yow tip wa rap bniah ye phi u phone ha kini ki nombar: 9615871608 / 8014070313 / 8014755639.

Advertisement ad1

0 Comments

Leave a Reply