Ka yakob Iconic Face of Meghalaya 2022 daw pynman biang ya ka ha uni u snem heiwa ya ka Grand Finale daw pynman ha Shillong pyn ha uni u bnai hi.
Kamtæ da khut ya kiwa kwah wow chimbynta wow wan yaleh ki ya ka Audition neibynta ki kyrdan yakob ha ka MR, MISS wa KIDS ka Iconic Face of Meghalaya 2022 heiwa kiwa jop daw yoh ki ya ka song poisa, ki Trophy, ki Gift Voucher wa kiwi kiwi de.
Ha Jowai daw pynman ya ka Audition ha ka 10-01-2022 heiwa yei thaw pynman daw pyntip won hadien.
Ka tarik wa khaddooh wow wan thap pyrtuid toh ha ka 08-01-2022 wei ym em booh kyndon yei jrong i tbian, i sngaid i rkhoh ya kiwa kwah u wan chibynta. Tangwa ya kiwa yaleh neibynta ka MR wa MISS hap ki wow em 14 snem chaneiñ katwa ha ki KIDS hap ki wow em 13 snem chapoh.
Kiwa chah jied hadien ka Audition daw hap ki wow su ya ka bai Registration kawa T. 3500 wa kynthup lang ya ka bai pynbha pynmiat, ki riam, ki dur wa kiwi kiwi.
Kiwa kwah u tip chooh chooh ye ki wow Phone ha kini ki Number-6033097541 lane WhatsApp ha u 9383296941.
