U Symbood Montri Rangbah ka jylla, u Prestone Tynsong da ong u wa i dawa ya ka Inner Line Permit ha ka jylla Meghalaya ym em mut wa toh pyrchah ya ki nong India, la man ko na ki seiñbhalang næ da ka yung dorbar chna aiñ ka jylla.
Hawa klam ynne ka sngi, u Tynsong da ong u wa ka ILP toh ka steih wow yada nei wan buhai chnong yong ki bru kiwa na baar ka jylla neibynta i chngaaiñ ki tre chnong, deiwa pynrap wa ym yoo wa i dawa man ko pyrchah ya ki nong India.
Hawa kylli hajrong i pynbaad ki seiñbhalang wa ka sorkar India ka pynslem khnang ko wow e ILP, da ong u wa ka sorkar jylla ka dang booddien bait hadooh katni ya ini i kaam, wei katni dang yang wei yooluti ya i wan u Montri Kaam Pohyung ka ri India, u Amit Shah cha ka jylla kamwa da kular wow yaklam hajrong ini i bynta.
