Daw pynyieñ kyrtong ka seiñ LJP ha ka MLA 2018 ka Meghalaya

Shillong: Ka seiñ saiñ hima ka Lok Janshakti Party (LJP) kawa man leh kawa kyrchaan ya ka National Democratic Alliance (NDA) da pyntip ko wa daw yakhun Election ko hapoh ka jylla Meghalaya ha u snem 2018 tangwa ym pu em ye ki u ong katwon ngut ki kyrtong wow pynyieñ ko.

U State LJP President, Jamil Ahmed da ong u wa 3-4 bnai chwa ka Election daw pynbna paidbah ki ya ki kyrtong.

Da pyntip u leh wa ha u snem 2008 da dep pynyieñ ki 18 ngut wei 4 ngut ha u snem 2013 wei hadien wa kheiñ ya ki vote wa yoh da rai wow yakhun Election biang ko sa chisien hanlada ym em jop ki.

Da ong u leh wa ym em pyrkhat ki wow krehlang wa ka BJP ha kani ka Election MLA 2018 kattæ leh dang chong ha ki heh ka LJP.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u wa ka LJP toh kawa mihkhmat neibynta kiwa khian paid ka ri India kam ki Dalit wei ki dkhot ka seiñ da em ki palat chi lak.

Hei yatoh wow khang ka NDA wow tynyap masi kamjooh wow baam doh masi da ong u wa ini toh i leh ki seiñ wa kyrchaan ya ka NDA kam ka Bajrang Dal.

Da beiñ u leh ya ka sorkar Congress wa synchaar hapoh ka jylla wym ye ki u wanrah ya i roi ka paar cha ki chnong wa em cha nongkyndong wei emkaam ka sorkar wow chong pyrkhat sani bha hei yatoh wa ini.

U Ahmed leh da ong u wa kyrchaan u yei wanrah ya ka aiñ Village Administration Bill wei ka sorkar pyrdi leh toh u kit khlieh ko wow yada ya ka dustur riti ki khian paaid.

Hei yatoh won wa i wan ka luti rel hapoh ka jylla da ong u wa boon ki por ka rel wanrah ko ya i roi i paar tangwa kattæ leh ka sorkar emkaam ko wow pyrkhat yei wan psiah ki baarjylla kamjooh yei sur ki paidbah.