Daw thoh ka PDF cha ka sorkar jylla wow dawa kyrriah noh ya kiwa sah ha Themmator

Jowai: Ka Central Working Committee yong ka People’s Democratic Front (PDF) da rai ko wow thoh cha ka sorkar jylla wow kyrriah noh ya kiwa chong ha Harijan Colony namo ka Themmator cha ki quarter wa da booh ya ki.

“Ye i u thoh heiwon iwon i por cha ka sorkar jylla wow kyrriah noh ya kini ki bru na kani ka thaw chwa ka 5 tarik uni u bnai,” da ong u Chairman ka PDF, u Pyngshngain N Syiem.

Chooh chooh da ong u wa ka sorkar emkaam ko wow pynlang ko ya ki pyrtuid (data) yong ki bru kiwa kreh ha ka Shillong Municipal Board.

Da ong u wa ka sorkar emkaam wow bahkhlieh ko wow pait du ya kiwa kreh yong ka municipal wei kiwi tawon kiwa sah ha kani ka thaw toh u pynchitom ya ki katkam ka aiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pyntip u leh wa ka party daw thoh ko cha ka Khasi Hills Autonomous District Council (KHADC) wa u Syiem ka Hima Mylliem wow pynmih hukum ki wow phah mih ya kiwa sah ha Harijan Colony.

“Ym yoo O wa em i eh wow kyrriah ya kiwa sah ha Themmator lada ka sorkar jylla wa ka KHADC bait ki wow yakrehlang chirup kamwa da leh ya ka MUDA,” da pynrap u Syiem.

Da ong u wa nachwa ym em yakrehlang ka sorkar wa ka KHADC kamjooh wa u Syiem ka Hima Mylliem iwa da pynslem yei wow kyrriah ya kini ki bru na kani ka thaw.

Kani ka thaw nachwa toh ka yong ka Hima Mylliem wei da e ya ka da u Syiem warim ka Hima ha u snem 1853 wow sah ki Mazbhi (SC) Sikh Community kiwa kreh kam kiwa lum sarok.