Daw thooh ram ka sorkar hadooh T. 100 klur lada ym yoh poisa wow pyndep ya ka GSWSS

Shillong: Ka tnat Public Health Engineering (PHE) dang pynkrehkaam ko ya ka Scheme saam um kawa tip kam ka Greater Shillong Water Supply Scheme (GSWSS) Phase III neibynta wow pynbiang um dih ha ka nongbah Shillong.

U Montri kani tnat ka jylla, u Samlin Malngiang da ong u wa i pynkrehkaam ya kani ka Scheme da lai ko chaaid chaaid wei ka tnat dang emkaam ko sa kamwa T.100 klur neibynta wow pyndep ya kani ka Scheme saam um ya ka sor Shillong.

Da ong u wa daw lai yaklam u wa ka tnat ka sorkar pyrdi wow e poisa chooh neibynta wow pyndep ya kani ka Scheme kawa da sdang nadooh u snem 2008, wei da pynrap u deiwa ong lada ka tnat ym yoh ya ka poisa na ka sorkar pyrdi namo ka sorkar jylla, daw ye ko u thooh ko da ka ram neibynta wow pyndep ya kani ka Scheme.

Chooh chooh da ong u wa heipor wa mang ya ka poisa neibynta kani ka Scheme ki mar ki mata wa ka bai kreh da rap duna ko, tangwa katni won da yaphær hawa wyrchaw wei dor wa da mang chiphaw snem nachwa.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Ka GSWSS toh kawa da sdang nadooh u snem 2008 wei da booh thong wow pyndep hapoh 3 snem, tangwa i daw wa slem u pyndep ya ka toh wym yoh thaw wow pynlai ya ki pipe wei katni da dep pynbait wow pynlai ya ki na u sarok PWD.

Katkam wa man hi, na kani ka Scheme daw saam um ko cha ki 12 tylli ki Zone, ka wow kynthup ya ka Lachaumiere, Laban, Malki, Madanrting, Laitumkhrah, Nongmensong, Jail Road wa Nongthymmai, lait na ki thaw wa haap hapoh ka Cantonment.