Shillong: U MLA ka PDF na Mawkynrew uwa man leh u Montri ka sorkar jylla, u Banteidor Lyngdoh da ong u wa kam u MLA ka party hanla em u ha ka sorkar synrop wa da yahkhmat da ka NPP, ka Meghalaya Democratic Alliance (MDA), tangwa ha ka Election chiteiñ samoi ha Ranikor daw yalap u neibynta u kyrtong ka Party uwa man leh u Chairman ka PDF, u Pynshngaiñ N Syiem.
Da ong u wa hanlada ha ki ar tylli ki Election chiteiñ samoi wa da man ha Williamnagar wa Ampati, ka Party da lai yalap ko neibynta u kyrtong ka NPP, tangwa ha kani ka kynti daw yalap u ya u kyrtong na ka Party yong oo hi wei ha ki Election ha Garo Hills ka PDF ym em booh kyrtong ko.
Hawa jubab hadooh katwon yoo u wa u Chairman ka PDF u yoh u yei jop, neiliang u Banteidor da ong u wa i jop wa i rem ympu tip neibhah wa ka Ranikor man ko ka Constituency kawa heh deiwa kyrmen leh wow jop u Pynshngaiñ na kani ka Constituency.
Ha iwi i liang da ong u wa ka Election ha Ranikor daw yarap chooh chooh ko ya ka sorkar synrop MDA neibhah hadooh katni ka saiñ pyrthai kiwa da mih wow yakhun toh kiwa emlang ha ka sorkar, neibhah du ka UDP kawa da pynbna ya u Pius Marwein, ka NPP da u MLA warim, u Martin M Danngo wa ka PDF daw yakhun u Pynshngaiñ N Syiem katwa neiliang ka Congress kawa em ha i liang pyrchah hadooh katni ympu em pynbna kyrtong ko.
Discussion about this post