Shillong: Ka Confederation of Meghalaya Social Organisation (CoMSO) da rai ko wow ujor cha ka Supreme Court lada ka sorkar India wa yahkhmat da ka Bharatiya Janata Party (BJP) leh embor ko wow pynman aiñ ya ka CAB, 2019.
Hawa klam wa ki laad pathai khubor ynne ka sngi, u Chairman ka CoMSO, u Robertjune Kharjahrin da ong u wa kam ka kynhun ki seiñbhalang ki pyrchah wei ym pdiang ki ya kani ka CAB 2019 kawa ka sorkar BJP mut ko wow pynman aiñ yabor.
U Robert da kubur u wa lada ya nujor ya ka CAB, 2016 wa kani kawa da pynkylla katni da yaphær, tangwa kani ka CAB kawa ka sorkar pyrdi da pynkhreh ym em da pynlait ko ya ka jylla Meghalaya waroh kawi, da pynlait 97% katwa 3% ki thaw kam ka Jail Road, Police Bazar, ki Revenue Land wa ki thaw Contonment ka CAB u krehkaam ko.
U Kharjahrin da ong u wa ka CoMSO da e kyrchaan kawa pura ya ka yakhih yong ka North East Student’s Organisation (NESO) kawa da khut da ka pakhang chnong ha waroh kawi ka thaaiñ North East haka 10 tarik uni u bnai wow pyrchah ya ka CAB.
Discussion about this post