Daw ujor u Ricky Shullai pyrchah ya u PIO wa e yutip bakla

Shillong: U MDC ka Laban, u Ricky Shullai da kyntait u yeiwa chah pynbaad u wa kreh u kam u Peon ha yung dorbar chna aiñ, deiwa ong wa kiwa paan RTI ym em u ngam yillu namo ym em u tih bniah ki yeiwa sakhiat.

U Shullai da ong u wa da dep ieh u yei kaam peon nadooh ka 8 Khonchonglad (November) 2016, wei in i pynbaad ki ar ngut ki manbei toh iwa khlem yurim sakhiat.

Da ong u wa ka yungkrehkaam toh u bahkhlieh ko neibhah wa i e yutip wa bakla, wei neiliang yong oo daw ujor u ha u Lamphang ka yung dorbar, u AT Mondal pyrchah ya u Public Information Officer wei daw yaklam u ya ki muktiar wow pynchitom ya uni u PIO.

Ha iwi won i liang da ong u wa u PIO da phah u ya ka chithi cha ki laad pathai khubor wow pyntip wa u Ricky da ieh u yei kaam nadooh uni u snem wa dadep.