Kam chibynta wow pynyoo pyrthai wei wow pynpawnaam ya ka lehkmen pdiang snem thymme ha Jowai kawa da pynman da kiwa chong chnong hi nadooh ki por warim iwa phær bha na kiwi ki chnong ki thaw, neiliang ka District Tourism Officer ka West Jaiñtia Hills, ka S.D. Shylla da ong ko wa neiliang ka sorkar leh kwah ko wow pynneh pynsah yeini.
Da pyntip ko wa neiliang ka chnat Tourism ym em poisa ko wow pynriam ya ka chnong Jowai tangwa da e yarap nachwa Rs. 10,000 cha kawi ka dong wei kattæ da pynku cha Rs. 20,000 neibhah i pynriam khrik-khrak toh iwa da pynlut da ki chnong hi.
Heiyatoh wa ini i lehkmen snem thymme, da ong ko toh iwa da rim bha wei ha kini ki le snem wa dep da e kti ha ka Synjuk Waheh Chnong Jowai wow pait ki yeini wei kam ka sorkar daw e ki yei kyrchaan.
Chooh chooh da pyntip ko wa ha u snem wow wan, neiliang ka chnat Toursim daw wanrah ko ya kiwa uiñke suwari yow sakhi ki yeini deiwa yahluti kamjooh wow pynbiang thaw sah deiwa hap su hi ki yow yoh ki u sakhi yeini i rukom lehkmen pdiang snem thymme i wym em kamni cha kiwi ki thaw hapoh ka jylla.
Discussion about this post