Ynne ka sngi da pynman yaka High-level Review Meeting kawa da khlieh da u montri rangbah ka jylla u Conrad Sangma heiwa da emlang ki montri sorkar, kiwa yahkhmat ka liang pyrchah wa u Speaker ka yung dorbar ka sorkar kiwa da yaklam chaphang i long i man hapoh ka jylla heiyatoh wa u COVID-19.
Neiliang u Chief Secretary ka jylla u MS Rao da khana bniah u ya iwa da pynkhreh wei ki kyndon wa da booh ya kitu kiwa sahkut cha kiwi ki jylla kiwa da chah u psiah biang chapoh ka jylla Meghalaya.
Da pyntip u wa hadooh ka 13 tarik uni u bnai da em 3978 kiwa chong chnong ka Meghalaya kiwa da yoh u liwan lynba ki 5 tylli ki thaw psiah namo ki Entry Point kiwa man kamni ha wah:
- Bajengdoba, North Garo Hills
- Byrnihat, Ri Bhoi
- Ratacherra, East Jaintia Hills
- Tikrikilla, West Garo Hills
- Mir Jhumla, South West Garo Hills
Da booh jar jiar ki kyndon ya kiwa wan naki jylla ka North East wa ya kitu kiwa wan na kiwi ki jylla ka ri. Wei waroh kini da em ki hapoh ka Home Quarantine deilang wa kiwa hayung ki 14 sngi.
Da pyntip u leh waka sorkar da pynkhreh ko ki bru wow boodien ya kini kiwa leh Quarantine kamjooh wow pynbiang yaki marbaam wa kiwi ki mar wa emkaam deiwa e mynkna. Da dep leh wow saam hadooh 1861 tylli kini ki yusong baam namo ki ‘Free Provision Kits’ hadooh ka 13 tarik uni u bnai. Da dep lai leh cha 2653 ki yung yow pyntikna wa bood yaki kyndon ka Quarantine.
Da em palat 9400 kiwa na baar ka North East kiwa da dep pynpsiah pyrtuid wei da yooluti wa 7100 kiwa daw liwan kiwa na Tamil Nadu, Karnataka, West Bengal, Maharashtra, Kerala, Delhi, Andhra Pradesh, Punjab wa kiwi deiwa ya krehlang wa ki sorkar kani ka jylla.
Da pyntip u leh wa hadooh ka 13 tarik uni u bnai da pyndep 2537 tylli ki Test heiwa 2526 tylli toh kiwa ym em chah ktah (Negative). Kiwa da chah ktah (Positive) da me ki 13 tangwa kawa dang em ya uni u khñiang da em sa ka wi donhi hadooh ka 13 tarik biang. Kamtæ ha kini ki ar tayaw wow wan, i ye wow leh Test daw ye u poi hadooh 600 tylli chi sngi.
Ka jylla da em ko ki PPEs (1,53,213), 3 Ply Masks (6,30,300), N95 Masks (1,48,678), Ventilators (20) wa kiwi kiwi.
Kawa heh dooh ka Corona Care Centre wa Quarantine Facility hapoh North East da wai ini wa dep ha IIM, Umsawli. Hapoh kani ka thaw da ye wow booh 258 ngut, nadooh kitu kiwa ym em chitom (Asymptomatic) wa kitu kiwa chitom malu mala (Mild Symptomatic)
Ka yalang da kut ko deiwa kyntu ya kiwa chong chnong ka jylla wow kyrchaan ya kiwa chah ktah ha u COVID-19, u pdiang ya kiwa liwan, ym toh wow kyntait yaki, ym toh u tieñ ya uni u khñiang deiwa bood yaki kyndon ka sorkar wow sait yaki kti, u tymmoh ya i ktien wa i khmut wei wow bood yaka Social Distancing.
Da ong leh wa da chem wa kiwa boon hi kiwa chah ktah ha u COVID-19 ye ki wow chong ha yung deiwa kset samen kam chibynta i sumaar yow chait ki, wei ya kitu kiwa emkaam wow sumaar ha Hospital, ka sorkar u leh hi ko yeini.
Da kyntu leh yaki paidbah wow man ki kiwa burom ya kiwa kreh haki kaam sumaar wa ya kiwi kiwa em hakhmat wow yaleh pyrchah ya u COVID-19.
Discussion about this post