U MLA ka Mawhati Constituency uwa man leh u Montri ha ka sorkar MDA, u Dasakhiatbha Lamare da pyntip u wa ym slem de kiwa chong chnong ka Constituency daw yoh noh ki ya ka surok kawa bha na Umsning-Umsiang-Jagiroad kawa jrong kamwa 80 KM.
Hawa klam ynne ka sngi, u Lamare da pyntip wa dang ini wa dep da lai u cha Delhi wow yaklam neibynta wow yoh ya utai u sarok, heiwa da yaklam u wa u Montri ka sorkar pyrdi wa pait yaka DoNER, u Dr. Jitendra Singh uwa da kular wow mang poisa T. 140 klur lyngba ka NEC neibynta 40 KM, katwa kawa sah 40 KM daw e da ka World Bank T. 85 klur.
Da pyntip u leh wa da yaklam u leh neibynta wow pynyoh ya ka sarok na Bhoirymbong-Mawlasnai-Sabuda wa jngai 18 KM, heiwa Montri ka DoNER da kular u wow pynyoh ya ka mang poisa T.56 klur.
Katkam wa pyntip u Lamare, ya kani ka surok da tyrwa wow chna ha u snem 2019, tangwa neidaw wa sahteiñ noh na kiwa boon ki daw, da rah biang katni wow kynthup ha ka mang poisa yong u snem 2021-22.
U MLA da pyntip chooh chooh wa kani ka sarok wa 80 KM u man ko ka sarok kawa emkaam bha kawa pynyabi chadooh Assam, wei daw myntoi ya kamwa 90 tylli ki chnong ha ka thaaiñ waroh kawi.
