U State General Secretary ka BJP Meghalaya, u Wankitbok Pohshna da dawa u na ka sorkar Meghalaya wow takit ko yei chah pynbaad ka USTM neidaw wa i chah pynbaad toh iwa khia bha wei da toh wow takit yeini da ka chnat wa man laitlooid.
Da ong u leh du deiwa suba donhi wa e ya ki Certificate thok toh iwa daw ktah ya ka mynried kiwa lai puræ wei ka sorkar toh u takit ko yow chem yeiwa sakhiat.
Chooh chooh da ong u wa kiwon kiwon ye ki wow pynbaad tangwa yeini da ong da u Chief Minister ka Assam iwa mut wa ini ye u man iwa sakhiat heiwa ka sorkar Assam da maham ko leh wow dam noh u tipmit ya ki Degree wa e da ka USTM wei lada jia ini kiwa yaleh kreh daw chah ktah bha ki.
Kamtæ da ong wa lada pyman yei takit daw pyndooh leh yei artatien wei lada chem toh iwa sakhiat daw ye wow pyndooh noh yeiwa sih wei ka sorkar ymtoh wow pynslem ko u leh yeini.
Kam wow kdaw heini wa u Chief Minister ka Assam, u Himanta Biswa Sarma ha ka 16 tarik uni u bnai da pynbaad u wa ka University of Science & Technology (USTM) da e ko da ki Fake Certificate kamjooh ki Fake Degree deilang ki PhD kiwa da dai ki dei dai heiwa tang ki Exam wa biang leh ym em pynman ki.
Discussion about this post