Ka Elaka Sutnga lyngba u Acting Dolloi, u Bankupar Sutnga wa u Secretary, u Lappideris Pala, ynne da lai booh ujor ki ha u DC ka East Jaiñtia Hills District deiwa phah leh cha u Member Secretary ka Meghalaya State Pollution Control Board yow pyrchah yei pynman Public Hearing ka Shree Cement yow tih moochuni ha Lum Syrman neidaw wa man ko pyrchah ya ka aiñ wei kamjooh khlem da yoh bor neibhah ha kani ka thaw da em ki bynta wa haap hapoh ka Elaka Sutnga.
Ha ka ujor, u Dolloi da ong u wa ka Shree Cement da kam tooh ko ya ki thaw wa em ha Lum Syrman wei ha ki bynta wa haap hapoh ka Elaka da mantre yei thaw da kiwa chong chnong nadooh ki por yongrim wei ym em leh iwon iwon i ya mynjur, i ya e wai lane wow dai yei thaw cha kani ka Company.
Hajrong kini ki phang da dawa wow pyndam noh ya ka Public Hearing, u takit kammon da kamtre yeini i thaw wei wow pynchitom ya kani ka Company kawa da kamtre yei thaw ki bru samen.
Da dawa leh wow yada yei hok ki tre thaw yow lait na iwon iwon i chah ktah i wym ye de u pynkylla deilang wow pyndam noh chisiendon ya kani ka Public Hearing kawa da booh wow pynman ha ka 22 tarik uni u bnai ha Lum Syrman.
Discussion about this post