Ka Langsning FC da jop ko la 10 sien khlem rem ha ka 5th Meghalaya State League deiwa pynrem sa ya ka Nangkiew Irat SC da 6-1 ha SSA Stadium, Shillong ynne.
Ha kawi won ka yalehke ka Group B hi, ka Rymbai Shkenshynriah SC da pynrem ko ya ka Maram FC da 4-2. U Hesmiki Rymbai (28′), u Monush Lapang (31′), u Skilful Tariang (61′) wa u Niphonghi Sumer (78′) da thap ki ya ka Shkenshynriah, katwa u Santosh Teron (50′) wa u Jakchim K Marak (88′) da thap ki ya ka Maram.
Ya ka Langsning da thap da u Samuel Phawa (18′, 21′), u Morningstar Khongkiang (58′) wa u Nelson Rymbai (69′, 73′, 87’P) uwa man kam u Top Scorer ka MSL. Ya ka Nangkiew Irat da thap da u Ronaldkydon L Nonglait (27′).
Ka Langsning da yoh ko 9 Points ha Group B wei hei wa ar da em ka Shkenshynriah kawa da yoh 6 Point.
Mynstep daw pynman ya ki yalehke ka Group A, heiwa ka Mawlai SC daw yachem ko wa ka Rangdajied United FC heipor 2PM. Ka Nongkseh SSCC daw yachem ko wa Shillong Lajong heipor 6PM.
Discussion about this post