Deiwa kdaw ya i dooh khih dooh kreh kamjooh i leh benami, ka Federation of Khasi, Jaintia and Garo People (FKJGP) Sohra Circle, ynne da dawa ko na ka Khasi Hills Autonomous District Council (KHADC) wow pyndam ya waroh ki Trading Licence yong ki baar jylla wei wow sangeh u e thymme ya ki.
Ha ka dorkhat wa da e ha u CEM ka KHADC, u Winston Tony Lyngdoh, ka FKJGP da ong ko wa ki khynroo da ye ki wow seiñ khih seiñ kreh yeiwa nachwa da pynlai da ki baar jylla.
Hajrong ini da dawa wow pyndam ya ki Trading Licence ki baar jylla namo ki Non-Tribals khamtam ya i khayi moochuni cha Bangladesh, ki dukan wa kiwi.
Ini i dawa kynthup i leh ya ki Truck wa kit moochuni cha Bangladesh kamjooh ki kari kamai kam ki Sumo/Taxi wa lai na Majai, Ichamati cha Shillong neibhah wa ki khynroo ka thaaiñ da ye ki wow leh yeini.
Da e daw wa katkam ka Sixth Schedule wa ka Trading by Non-Tribal Regulation Act, 1959, da emkaam wow pyndam ya ki License manda ye ki tre thaw wow kreh ya ki kaam wa leh ki baar jylla.
Da dawa leh wow kynreh yei leh benami iwa man pyrchah ya ka aiñ.
Discussion about this post