Ka Hynniewtrep Integrated Territorial Organization (HITO) Jowai Circle da yoh ko ya ka ujor na ki paidbah ha MCH Hospital Panaliar wa na ki kari kamai heiyatoh wa i wym em kor ATM.
Heiyatoh wa ini neiliang ka seiñ da yachem ko wa u Branch Manager ka State Bank of India, Jowai wow dawa booh kor ATM ha kani ka thaw sumaar.
Ha kani ka thaw sumaar wa em ha Panaliar, kiwa yang wakjut ha katai ka thaw da khana ki wa hap ki u lai kjat cha Iawmusiang wow lai sai poisa khnang wow yoh u thied yeiwa emkaam ki.
Ka seiñ da ong ko leh wa i jngai ka kor ATM booh ko hei eh wa khor ya kiwa boon wei khamtam ki kari kamai leh da ong ki wa i wym em ka ATM ha kani ka thaw ktah bha ko ya kiwa lai uiñke cha Syntu Ksiar neibhah lada kyruiñ cha kiwon kiwon ki thaw uiñke man ki kiwa biang heiyatoh wa ki kor ATM.
Kamtea neiliang ka seiñ da kyntu ko ya u Branch Manager yong kani ka Bank wow booh smat noh ya ka kor ATM khnang wow suk ki paidbah.
Discussion about this post