Jowai : Ka seiñ Hynnñiewtrep Student Union (HSU) da sñiaw phylla ko wa kyrriah ya u Deputy Commissioner ka West Jaiñtia Hills District u Arunkumar Kembhavi uwa dang kreh kam u DC ka District.
Haka khubor na u president ka seiñ u Kyrshan Rymbai da kynnoh u wa kani ka Sorkar MUA II ymtoh de ka Meghalaya United Alliance, tangwa ka Modified United Alliance neibhah ym em de u bood ko ya ka Meghalaya Service Rule neibhah em ki sahep wa da kreh palat 7-8 snem leh ym em u chah kyrriah ki neibhah wa em yatoh ki wa ki Montri Sorkar.
“Ye u ong heini wa katkam ka yutip wa yoh ka seiñ u Divisional Soil & Water Conservation Officer u D. Challam yong ka West Jaiñtia Hills da kreh u kam u Officer hapoh kani ka tnat la 7-8 snem tangwa ympu sñiaw wa chah kyrriah u” da ong u Kyrshan.
Ka seiñ da ong ko leh wa daw thoh ko cha u montri wa pait ya kani ka tnat u Prestone Tynsong hei yatoh weini.
Ka seiñ da ong ko wa daw dawa ko na ka sorkar MUA II wow kyrriah kaam noh ya uni u sahep kani ka tnat.
Discussion about this post