Shillong: Ka Hynniewtrep Youth Council (HYC) da lai yachem ki wa u montri ka sorkar jylla wa pait ya kaam pohyung, u James K Sangma wow e yumut wa ka sorkar toh u thung ko ya kiwa yasaaid aiñ rangbah da ki tre jylla ki wow yasaaid ki neibynta ka sorkar.
Hawa klam wa ki laad pathai khubor, u Education Secretary ka HYC, u Roikupar Synrem da ong u wa i dawa yong ka seiñ wow thung ya u Advocate General wa u Additional Advocate General da ki tre jylla toh neidaw wa ki sñiawthooh bha ki wei chemphang ki hei yatoh wa i man ka jylla.
Da ong u wa boon kiwa yasaaid aiñ kiwa man ki tre jylla kiwa stat wa biang wa chemphang man ki kiwa sñiawthooh ya ka sorkar.
Da pyntip u leh wa neiliang u montri da kular u leh wow rah ya ini hakhmat u Montri Rangbah, u Conrad K Sangma neidaw wa kani ka kaam em ko hapoh i pait yong oo.
Discussion about this post