Dawa ka Jaiñtia Joint Alliance wow pynkhor ya ki Doctor ki wym chimkhia wei ki wym wan kreh tikna

Ka Jaiñtia Joint Alliance wa kynthup ya ar tylli ki seiñbhalang, ka War Jaiñtia Student Union (WJSU) waka Jaiñtia Youth Federation (JYF) ynnin ka sngi lyngba u DC ka West Jaiñtia Hills da phah ki dei thoh cha ka Dr. M. Ampareen Lyngdoh, Health Minister ka sorkar jylla, deiwa dawa yow pait bniah yei rukom lai kreh ki Doctor kamjooh leh wow pynbiang tikna ki dawai dachin cha ki thaw sumaar ka sorkar.

Da ong ki hajrong i wym wan tikna wei i wym ñiawkor ki Doctor sorkar yei kaamram ha ki thaw wa da thung ya ki kam ki Dispensary, ki PHC, ki CHC wa ki Civil Hospital wa em hapoh ka Ri-loom Jaiñtia da pynbor ya kiwa boon kiwa kjut chitom wa hap ki u lai cha ki Clinic yong ki bru samen, iwa da ktah bha ya ki heipor pun heipor kha, khamtam kiwa dooh wa duk ha ki thaaiñ palatsor.

Na ini i daw da kyntu joor ki ya ka chnat i chait i khiah wow pyn-eh deiwa khor ya waroh ki Doctor wei wow pynchitom leh ya kiwa leh pyrchah.

Ka Jaiñtia Joint Alliance da klam che ko leh wa neini chakhmat lada dang chem wa em ki wym chimkhia yei kaam hadien wa dadep e yeini i thoh, daw chim ko da ka luti wa khor. 

Related posts

Hap hiar syndet ka lieñsuiñ ka Air India ha Phuket

June 13, 2025

Mih i dur ki chi kurim wa 3 ngut ki khon wa em hapoh ka lieñsuiñ Air India kiwa dang mut wow lai sah noh ha London

June 13, 2025

Heiyatoh won i wym biang dawai ha ki thaw sumaar sorkar, da e nongmuna wa lada u Doctor kawon kawon ka thaw sumaar thoh dawai u soo jait tangwa ye u yoh du chi jait donhi napoh ka thaw sumaar, ini da pynbor wow lai thied na ki Pharmacy ki bru samen.

Da ong leh wa kani da man ko ka mat wa ktah bha neidaw wym biang dawai, kamtæ da dawa ya ka sorkar wow pyntikna ko yei biang dawai wa kiwi won wa emkaam wa man-ka-sngi ha ki thaw sumaar khnang yow man i yarap wa khroo ya ki paidbah khamtam kiwa dooh wa duk wym kot bor u thied dawai na ki Private Pharmacy.

Wei lada ini i dawa ym krehkaam i wot hadien chi bnai nawa e dei thoh, ka sorkar toh u man ko kawa pynkhreh wow ya tynjooh bor wa ki paidbah wei wow chim ko leh i kitkhlieh lada jia iwon iwon ya ki paidbah neidaw wym ye ko u pynbiang ki laad e sumaar wa ki dawai.

Ini toh katkam ka khubor wa da pynlait da u Ombormi Tariang (JYF), Chairman Jaiñtia Joint Alliance wa u Everest Langstang (WJSU), Secretary Jaiñtia Joint Alliance.