U President ka United Democratic Party, u Metbah Lyngdoh da ong u wa u kyrtong wa ka UDP da sai ko toh uwa da em hakhmat dooh napyrdi kiwi ki kyrtong ha ka Lok Sabha Bye Election ka wow man.
Da ong u wa khlem nujor ya kiwi ki kyrtong, ka UDP da em chwa u kyrtong ko hakhmat dooh na kiwi ha kani ka Election.
Ka Lok Sabha Bye Election yong ka Shillong Parliamentary Constituency daw pynman nei khlaad syndet u MP, u Dr. Ricky AJ Syngkon uwa da jop ha u snem 2024.
Ha kani ka Election chiteiñ samoi da em hadooh 4 ngut ki kyrtong kiwa da pynbna da ki seiñ saiñpyrthai wow yakhun wa kynthup ya u Dr. DRL Nonglait (NPP), u Vincent H Pala (INC), u VGK Kynta (UDP) wa u Batskhem Myrboh (VPP), heiwa da yooluti wa daw em leh kiwi ki kyrtong kam na ka BJP.
Hawa kylli, u Metbah da ong u wa i sai kyrtong yong ka hi ha kani ka Election ym ktah ko ya ka MDA-II wa yahkhmat da ka NPP.
Chooh chooh da ong u wa ym em iwon iwon i klam pynbait kamwa man ha u snem 2019 wei ka UDP u lai ko chaphrang samen.
Discussion about this post