Ka Jaiñtia National Council Western Zone ynnin ka sngi da lai yachem ko wa u Principal ka Kiang Nangbah Government College, u H. Toi wow yaklam yei eh i khoo iwa da ood da naam da kiwa boon kiwa lai puræ kiwa da pyntip cha ka seiñ.
Ka seiñ da kyrpaad ko na u Principal deiwa e leh dei thoh wow pdiang chooh chooh hapoh ki Hostel neibynta kiwa lai puræ ha kani ka College neini chakhmat, neibhah kiwa boon toh kiwa dooh wa duk hadooh wa hap ki wow dam u lai puræ chiteiñ por neidaw wa joor syad i yung wai wei da hap leh wow lutsan hei bai kari wow yabeh na chnong.
U Principal da e jubab u wa hapoh ka Girls Hostel em thaw du neibynta 50 ngut donhi tangwa da pynpsiah yabor bait ki katwa ye wa lah hadooh 80 ngut iwa da pynman ya ka Hostel wow man kawa khynnia hadooh wow em 3 ngut ha chi kamra wei ini leh da man i jooh hapoh ka Boys Hostel.
Hanla kattæ leh, u Principal da kular u wow yaklam wa ki bor sorkar heiyatoh wa ini.
Ka seiñ da kyntu ko ya u MLA ka Jowai, u Wailadmiki Shylla uwa man leh kam u Montri sorkar wa ya u Montri ka chnat Education, u Lahkmen Rymbui wow pynheh ya ka Hostel yow ye u pdiang rap boon kiwa sah kamjooh wow pynheh leh ya ki Classroom wei wow pynchna ya iwa jæd wa pai.
Discussion about this post