15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ka JYF-SC wow chna pynmiat ya u sarok hapoh Saipung

Advertisement ad1
Advertisement ad1

Ka seiñ Jaiñtia Youth Federation (JYF) Saipung Circle da lai yachem ko ya u Executive Engineer ka PWD Roads, Khliehriat heiwa da ekti ko ya ka dorkhat hajrong wow chna pynmiat ya u sarok  PWD cha chnong Muallian.

Ka seiñ ha ka dorkhat da ong ko wa u sarok na Lelad wa kynthup ya ka chnong Tangnub, Moopad, Tlangmoi, Jngria, Sakua, Sialkan, Khuaingoi Mualcheng hadooh wa poi ha Muallian da chah iehbeiñ u da boon snem kattu uwa da ktah leh ya ki kaam pynroi ha ka thaaiñ Saipung waroh kawi.

Ya uni u sarok uwa da chna ha u 1975 toh uwa poi cha ki chnong wa em 3000 ngut kiwa chong chnong wei heipor wa emkaam wa jhan kam hei chitom da chem chitom wow poi cha ki thaw sumaar.

Ka seiñ da ong ko leh wa u sarok nadooh na Thlangmoi wa Muallian da chem chitom bha wow lai ki kari heiwa da chimpor hadooh 3-4 kynta wow poi ha Khliehriat iwa jngai du 30-35 Km donhi.

Katwa kamtæ da kyntu ko ya ka sorkar wow chna pynmiat noh ya uni u sarok khnang wow myntoi ki paidbah liang wanang.  

Share this:
Previous

Pynkup burom ka kur Nongtdu ya u khon yong ka uwa chah jied wow yalehke haka AFC Championship

Next

Ku ki kaam pyrchah ya ki kynthai ha yung heipor Lockdown: Smriti Irani