15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynkup burom ka kur Nongtdu ya u khon yong ka uwa chah jied wow yalehke haka AFC Championship

Advertisement ad1
Advertisement ad1
Advertisement ad1
Advertisement ad1

Ka Seiñ Kur Nongtdu, East Jaiñtia Hills haka 15 tarik uni u bnai da yoh ko wow pynkup burom wei e khublei kitbok ya u khynroo Halen Nongtdu uwa man kam uwi naki khynroo wa chah jied wow mihkhmat yaka ri India cha ka lympung yalehbol ka AFC Under-16 Championship 2020.

Ha kani ka sngi da pynlai yaka yalang da u President ka Seiñ Kur u Albinus Nongtdu hei ya emlang ki dkhot ka Executive Committee deilang wa kiwa hayung hasem yong uni u khynroo.

Haka pynkup burom da yoh ya i klam kyntu kynpham na u Dr. Phervision Nongtdu wei hadien won da saam ya i e sñiawbha da ki tiar sahkynmoo cha uni u khynroo da u President deiwa pynkup leh yaka that ryndia thlem da u Secretary ka Seiñ Kur u Mondaystar Nongtdu.  

U Halen Nongtdu toh uwa naka chnong Byndihati, East Jaiñtia Hills u khon u Kynsai Dkhar waka Thilda Nongtdu wei man u leh u pyrsa tre u Hambertus Nongtdu uwa jooh man kam u CEM ka JHADC.

Hawa pynkut yaka yalang, u President da khut da wer u ya kiwi won ki khon khynroo ka kur wow toor chaphrang wei wow man kiwa minot ha ki kaam Sports khnang wow ye ki u wanrah yei naam ym du yaka kur wot yaka District waka jylla waroh kawi neibhah ka kaam yalehke man ko kawi na ki laad wa ki khon khynroo ye ki wow lait na kiwa boon ki kaam wa sih wei kamjooh ka laad hadooh wow pynyoh kreh yoh khih yaki khon khynroo.

Ka kyrwoh na u Publicity Secretary ka Seiñ Kur u Viceroy Alson Nongtdu.

Share this:
Previous

Oor i khyndaw ha u sarok RBBJ Road, thut i lai i wan ki paidbah

Next

Dawa ka JYF-SC wow chna pynmiat ya u sarok hapoh Saipung