Ka montri ka sorkar pyrdi wa pait ya ka chnat Women and Child Development, ka Smriti Zubin Irani da ong ko wa katkam ka yutip wa da yoh da ka National Legal Services Authority (NALSA) wa nadooh u Naitung (April) 2020 hadooh u Naiynru (June) 2020, i e yarap heiyatoh wa ki mukotduma (Case) wa yatoh wa ki kaam pyrchah ya ki kynthai ha yung namo ka Domestic Violence da em ki 2878 tylli heiwa na kini em 452 tylli ki mukotduma hapoh ka aiñ Protection of Women from Domestic Violence Act, 2005 (PWDVA) wei da em leh 694 tylli kiwa da pyndep namo da pynsuk.
Ka Ministry da ebuit (Advisory) ko ha ka 25-03-2020 wow pyntikna wa heipor wa em ka Lockdown ha waroh ka ri, da sdang booh ya ki One Stop Centres (OSCs) hapoh ka One Stop Centre Scheme and Women Helplines (WHL) yong ka Universalisation of Women Helpline Scheme (Toll Free Telephonic Code 181).
Uni u Helpline toh wow kyrchaan ya ki kynthai heiyatoh i chongsuk wei chngaaiñ ki kynthai wei dang man u uwa krehkaam.
Ha kani ka Advisory, ki Protection Officers hapoh ka Protection of Women from Domestic Violence Act, 2005 wa ka ‘Dowry Prohibition Officers’ hapoh ka Dowry Prohibition Act, 1961 da phah ya ki wow pteiñ yei kreh yong ki wow kyrchaan ya ki kynthai heipor Lockdown.
