Ka Synjuk Ki Waheh Chnong Iooksi-Saphai Circle da e ko dei thoh cha u Montri ka chnat Tourism, u Paul Lyngdoh ynne hawa wan u cha Kupli Orchid Resort yow dawa pynbna ya ki 13 chnong ka thaaiñ Chutwakhu-Saphai kam ki Tourism Zone neidaw wa da man ki kiwa da kyrkhu dei miat, kiwa em i suk i saaiñ wei kiwa biang leh ki yongrim yongjah yow ye ki wow man sakhiat kam kitæ ki thaw wow wanrah i myntoi ya kiwa chong chnong kamjooh ka jylla.
Da ong wa kani ka thaaiñ 13 chnong ye ki wow man kam kitæ ki thaw wow khriñ ya kiwa uiñke suwari khamtam ka bytna Chutwakhu–Saphai yow pynyoh kreh leh ya kiwa chong chnong.
Sa kiwi ki dawa toh wow e yarap ka sorkar lyngba ki Scheme yow ye sdang kiwa boon ki jait kaam kam ki chong lieñ nadooh ka Kayaking, Rafting, Paddle Boat kiwa ka-it kiwa uiñke suwari
Da dawa leh wow pynkhooid pynim biang ya ka wah Kupli deiwa wanrah biang ki dakha wa jooh em nachwa yow man ko leh kam kawi ka laad kamai.
Neiliang u Paul da kular u wow kitkhia yeini.
Discussion about this post