U MLA ka North Shillong, u Adelbert Nongrum hawa chimbynta ha ka phang yaklam wa da wanrah da u MLA ka Mawlai, u Brightstarwell Marbaniang heiyatoh wa i ong u Kyrmen Shylla uwa man kam u Montri sorkar wa u MLA ka Khliehriat wow e laad ya ki paaid Jaiñtia wow rai ki hajrong ka luti rel khlem da wan luchia kiwa na baar.
Neiliang u Adelbert da ong u wa ym em kwah u wow yania wa kwah luti rel næ ym em kwah luti rel neibhah kwah u wow ong iwon iwa lieh wa iwon iwa yong wei iwon iwa toh wei iwon iwa lait wei kam ka Party ym em kwah ki wow pynpiah ya ka imlang sahlang ha kawon kawon ka rukom.
Kamtæ da beiñ u yei klam u Kyrmen iwa da ktah yei sñiaw ki paidbah wei e laad leh wow pynphiah ya ka imlang sahlang, deiwa pynrap wa ymtip iyi mut u Montri deiwa ong ya kini ki kyntien deiwa pynynmoo yeiwa jia ya oo hakhmat u Chief Justice ka High Court heiwa da ong u hakhmat u wa bien u wow paan maap chispah sien, chihajar sien, chi lak sien tangwa ym randien u yeiwa da yieñ yaleh u.
Hajrong ini, u Adelbert da kyntu u ya u Kyrmen wow paan maap u yeiwa pynemkaam u ya ki kyntien wym chah ya kiwa na baar. Wei lada toh oo wa em heithaw u Kyrmen da paan maap u yow pynkut noh ya kani ka kaam deiwa pynraap wa kattæ leh chong ha oo.
Discussion about this post