Jowai: Ynne ka sngi ka lehniam Thohryngkaw ka Raij Ialong da poi ko cha wa kut heiwa da pyndep yaka Chaad Sukra ha Madan Langdoh, Ialong, West Jaiñtia Hills heiwa da mih paidbah ki khon ka Raij na jar jiar ki chnong hapoh ka Raij wow yapoi cha kani ka Madan wow pyndep ya ka Chaad Sukra.
Hei klam kam u kongsan u president ka BJP Meghalaya u Shibun Lyngdoh da ong u wa ka Chaad Sukra toh i por wow pynim yei yong rim wajah wei da pynchlur u ya waroh wym hoi de u mylliñ ki yeiwa yah ki warim.
Ha kani ka sngi da em leh leh u Sñiawbhalang Dhar uwa man leh u Montri ka tnat Bordiñ, u MDC ka Jowai North u Marki Mulieh uwa man leh u tre chnong wa kiwi kiwi.
Ha kani ka Chaad Sukra da yoh u sakhi ya ki chaad wa ha rukom kiwa kynthup ya ki Chaad Kylleiñ Kti, Chaad Pliang, Chaad Kpær Syntu, ki Chaad Kiehke, wa kiwi kiwi.
Da em leh ki chaad kiwa da pynwyrngia da ki khon ka Seiñraij Tuber, Seiñraij Wahiajer wa kiwi kiwi.
Discussion about this post