U Chief Minister ka Assam, u Himanta Biswa Sarma da pteiñ u wow kynthah ya u MP ka Congress na Assam, u Gaurav Gogoi deiwa pynbaad won kattæ wa uni u MP da lai u cha Pakistan deiwa chah khut sñiawbha ha ka Inter-Service Intelligence (ISI) ka Pakistan.
U Himanta da ong u wa chwa ynne ka sngi ym jooh em ong u yeini wei kattæ da kwah u wow klam che yeini wa lai u Gaurav cha Pakistan deiwa chah khut sñiawbha ka ISI.
Da kam u leh wa em u ki kot ki sla wa pynyoo wa ini ymtoh iwa lai uiñke tangwa da man ko kam wa lai emkaam deiwa yoh Training, wei lym toh yeitæ ileh thieh u khut ka ISI oo.
“U Gauvav Gogoi da lai u hadien wa yoh u ya ka chithi na ka Home Ministry ka Pakistan wei iyi mut ini neibhah lada chah khut ha ka University wa em cha baar toh iwi hi tangwa ini won da yoh lyngba ka chnat ka sorkar kawa na baar ri wei ymtoh leh na ka Ministry of External Affiars næ Cultural Affairs tangwa na ka chnat wa em hapyrdi dooh ka sorkar Pakistan wei ini man ko iwa maa bha,” da ong u Himanta.
Da ong u leh wa kiwa thoh khubor da kheiñ ki yeini du kam iwa beiñ tangwa ym em iyi iyi wow beiñ heini wei ymtoh iwa klam kyndeh donhi wei daw hap wow leh yeiwa emkaam.
“Ha ka 10 tarik u Naikhynde daw yoo phi dei khmat wei daw khyrngiat phi wei nga kam u Chief Minister dadep ong ma ong O hapoh 24 kyntu daw pynyoo ya ka sabut wei toh u yieñ phi chirup wa nga wei wow leh katwa toh u leh lada man iwa emkaam,” da ong u Himanta.
Discussion about this post