Kawi ka kynthai da pyrchang ko wow pynyap ya u kurim ko deiwa thooh yarap na YouTube neidaw wa da em bru ko da uwi wei ini da jia i ha Bhanwanimandi Colony ka chnong Jhalawar ka jylla Rajasthan.
Kani ka kynthai da tip kam ka Saroj wei u kurim ko toh u Manish Rathore heiwa ka Saroj da psiah ko chei kamra thiah u wei da theh ko dei phñiang baam wa dang iñ heipor wa dang thiah u.
U Manish manda chah theh dei phniang da kiad u tangwa ka Saroj ym wai ko ya ka dwar thaw thiah u tangwa manda wan ki khon ki wow choh dwar tæ wai ko. Kamtæ u Manish da khut u ya ka diah u wow lai yah oo cha Hospital.
Ya u Mansih da yah cha Jhalawar District Hospital yow yoh u yei sumaar.
Ka Saroj da yalai ko wa u bru wa tip kam u Ramsevak, uwa jooh chong wai wa ki, wei hadien wa tip u Manish yeini, da sdang ki wow yamai man-ka-sngi wei da joor ini hadien wa u Ramsevak mih u na kani ka yung wei da sdang ki leh wow thiah jar jiar i kamra.
Hawa takit ki pulit da chem ki wa ka Saroj pait ko ya ki Video ha YouTube deiwa thooh ya ki Video wa pynyoo kammon wow pynyap ya u kurim heiwa da yoh buit ko wow theh dei phniang wa iñ.
U Manish da ong u wym em daw u ya ka kurim u tangwa da pynbaad u wa da kwah ko wow pynkylla yei pyrtuid i yung ki chei pyrtuid yong ka katwa kiwa ha-yung ha-sem ki da pynbaad ki wa ini toh iwa da jia neidaw wa da yalai ko wa u Ramsevak.
Kini ki chi kurim toh kiwa da bia la 15 snem wei da em ki 4 ngut ki khon.
Ki pulit da pynngat ki ya ka Saroj hapoh ka kyndon thmu pynyap bru.
Discussion about this post