theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Diaw mynsien ki MDC ka liang pyrchah yei lehbeiñ ka EC ka JHADC ya ki paidbah

Advertisement ad1

Ynne ka sngi ki ar ngut ki MDC ka Congress kiwa em ha ka liang pyrchah, u A. Andrew Shullai wa u Holando Lamin hadien wa kut ka Dorbar Tlang wa chi sngi ynne, da pynsñiaw ki yei diaw mynsien hajrong i lehbeiñ ka Executive Committee ka JHADC ya ki paidbah ka Ri-loom Jaiñtia.

Hawa yaklam wa u Holando Lamin da ong u wa ka EC ka Council da e biang ko ya ka NOC wow kær naar-chieh ya u pood wa ka Bangladesh wot hawa nachwa da chim ya ka rai wa ymtoh de wow e NOC katwa ympu ye u pynbait ya u pood u ang wa ka Bangladesh heiwa nachwa heipor wa man CEM u Andrew da pyndam ya ka, tæ kammon wa da e biang ya ka NOC.

Da ong u leh wa neiliang yong oo la man katwa man ymye u wow pdiang yeini kat hadooh wa pyndam ya ka NOC neibhah lada kær naar chieh kamwa da thmu, ki paidbah daw dooh ki hadooh 6,000-8,000 Acre i thaw cha ka Bangladesh.

Neiliang u Andrew Shullai hawa e i klam da ong u wa katni kat chawa lai da chem da yoo ya ki Truck wa thoh Star Cement wei manda kylli ki yong kini ki Truck, da chem wa toh ki yong ka Star Cement wei ynne ha ka Dorbar hawa kylli ya ka Trading License da chem wa ym em yoh License kini ki Truck tæ kammon kani ka karkhana ki baar jylla (Non Tribal) kreh ko kamni?

Da ong u wa sñiawsih wow yoo wa ka EC ym em u pait ko yeini wa em kiwa kamai tooh ha kani ka thaaiñ, chooh chooh da phylla u wa ki bru neini (Ri-loom Jaiñtia) kiwa khih yei kreh wow kit mar (Transportation) em ki boon ngut wei lada man kamni bait i yoh laad ki karkhana daw pyndooh mynsien ko ya ki bru kiwa em Truck kamjooh leh kiwa kwah u seiñ khih deiwa pynlai truck.

Heijooh i por, u Andrew da kyntu u ya ka EC wow pynchitom ya kam kini ki karkhana kiwa lehbor hapoh u pood yong ka.

Share this:
Previous

Ill-fated Governance

Next

Lyngngoh ka KSU wa yada u Vincent ya ki karkhana khyndaw-bilat