Dih dawai kiwa yoh COVID-19 da kiwa thied hi-eh na ki Pharmacy: Dr. Mukul

Uwa yahkhmat ka liang pyrchah ha ka jylla, u Dr. Mukul Sangma uwa man leh u Doctor MBBS, da pynsñiaw u yei sñiawkhia hajrong i pynemkaam ki paidbah da ki dawai wa khlem phah da ki Doctor, heiwa da pyntip u wa da yachem u wa ki bru kiwa yoh ya ki dak ki chin Covid, tangwa hawa kylli kammon sumaar ki, da pyntip ki wa dih hi ki ya ki dawai wei em leh kiwa dih ya ki dawai wa da phah da ki ki Kobiraj wei ki dawai kiwa suk wow yoh na ki Pharmacy.

Da ong u wa em ka aiñ wow pynrkhiñ ya ki Pharmacy, wei ki Drug Inspector kiwa toh u pait wa ya ki dawai toh u dai du cha kitu kiwa yoh yei thoh na ki Doctor wa Hospital, khamtam ha ini i por lym kamtæ i dih dawai hi daw wanrah ko yei eh ya ka jylla ha ki sngi wow wan.

Ha i jooh i por da ong wa da em leh i pynemkaam bakla ya ki dawai Steroids, heiwa da kyntu u ya ki paidbah wow man ki kiwa syndong wei wow em yei kitkhlieh, wei lada chem wa em kiwon kiwon kiwa chitom toh wow lai bait cha ki thaw sumaar wa em hajan, kam ha ki CHC, PHC wa ki Sub Center wei hadien wa da dep wow pynyoo ha ki Doctor wow lai thied ya ki dawai.

U Dr. Mukul da ong u leh wot ha ki thaaiñ nongkyndong da em ki paidbah kiwa chait na u khñiang COVID-19, wei ye ki wow pynemkaam da ki dawai kynbat, tangwa da ong u wa ya kini leh hap wow tip wow pyntikna deiwa leh ya ki Test.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha iwi i liang u Montri Rangbah warim da ong wa hadien i yoh yutip wei hadien i chem ha i lai pait yong ka liang pyrchah, ynne ka sngi da e yumut ko biang leh ya ka sorkar ya ki laad wow yada na i yabi næ chah ktah ha u khñiang COVID-19.

Ha ka yalang wa da lum da u Lamphang ka yung Dorbar ynne ka sngi, u Dr. Mukul Sangma da pyntip u wa da pynsñiaw hakhmat ka sorkar hajrong i wym pynkrehkaam ya ki Ventilators wa da e ha ki Civil Hospital, wei kamjooh hajrong i wym krehkaam ki ICU kiwa ye wow yada ya kiwa boon kiwa im ha ki chnong kiwa chah ktah ha u COVID-19.

Da pyntip chooh chooh wa neiliang ka sorkar da kular ko leh wow pynbiang noh ha waroh ki District ya ki Ambulance kiwa ye wow e sumaar ya kiwa kjut hawa pynkit cha ki Hospital, ya kawa ka sorkar toh u pynbiang nadooh rap nachwa.