Ka yalehke ynne ka sngi da man ko kawa jem chiliang hapyrdi ka Ummulong C.C. pyrchah ya ka Mowkaiaw C.Y.C., heiwa ka Ummulong C.C. da jop ko hadooh 136 run.
Ya ka kyllakhlem da jop da ka Ummulong C.C. kawa da kam wow tied chwa. Ka Ummulong C.C. hawa lai tied nyngkong da kamai ko 193 run na ki 30 over wei da haap ko 6 wicket. U Aaron Lamare da lehke bha u deiwa tied u samen 63 run na ki 63 ball wei da thlieh haroh u ar tylli ki Six (6) wa khynde tylli ki Four (4). U Rejoice Gassah won da tied u 40 run na ki 56 ball deilang wa kawi ka Six (6) wa le tylli ki Four (4). U Kishan Lyngdoh, uwa kawang ball yong ka Mowkaiaw C.Y.C. da yoh u wow pynhaap 2 wicket na ki 6 over.
Ka Mowkaiaw C.Y.C. haka pali yong ka wow beh ya ka thong, ki wa tied yong ka ymye bha ki u lehke neidaw wa chkeh ware kiwa kawang ball yong ka Ummulong C.C. wei da haap ki uwi hadien uwi, wei da ye ki u kamai du 57 run wei haap waroh 10 wicket ha ka over wa 15.4. U Heimonlang Lyngdoh, uwa kawang ball yong ka Ummulong C.C. da lehke bha u haka bowling deiwa yoh u pynhaap 6 wicket na ki 5.4 over wei da yoh u khur yei naam Man of the Match.
Ka yalehke mynstep ka sngi u man ko hapyrdi ka Khimusniang S.C. pyrchah ya ka Lion S.&Y.A. heipor 9.00 i step.
Ya ka digital live score yong kan ka League ye phi u pait ha: https://cricheroes.com/tournament/1406553/wjhdca-district-cricket-league-2025
Discussion about this post