Ka Ummulong CC da jop ko ya ya ka Young Lad’s CC da 3 Wicket ha ka yalehke ynne ka sngi yong ka District Cricket League 2025 wa pynlai da ka West Jaiñtia Hills District Cricket Association.
Ya ki Over yalehke da hap wow pynduna na ka 35 cha ka 20 nadooh myntu ka sngi hadooh wa kut ka League neidaw wa u slap wan pynthut u man-ka-sngi wei waroh ki liang wa chimbynta leh da mynjur ki yeini i pynbait thymme.
Ya ka kylla-khlem ynne da jop da ka Ummulong CC kawa da jied wow kawang bol nyngkong. Kamtæ ka Young Lad’s CC da kamai ko 110/7 na ki 20 Over. U Dathrangki Pariat (C) da lehbha u ynne deiwa dat 46 Run na ki 46 bol wa kynthup ya kawi ka 6 Run wa 4 tylli ki 4 Run. Na kiwa kawang bol ka Ummulong, u Wellmanson Passah (C) wa u Heimonlang Lyngdoh da yoh ki u pynhaap mar 2 Wicket samen na ki 4 Over.
Ka Ummulong hawa beh ya ka thong da jop ko deiwa yoh 111 Run ha ka 17.5 Over deiwa dooh 4 Wicket deiwa kamai boon u Aaron Lamare uwa da yoh 48 Run khlem haap na ki 38 bol deilang wa 2 tylli ki 6 Run wa 6 tylli ki 4 Run. U Maremdor Sutnga uwa kawang bol yong ka Young Lad’s CC da yoh u pynhaap 2 Wicket na ki 3.5 Over.
Yei naam Man of the Match da yoh rah da u Heimonlang Lyngdoh uwa yalehke ka Ummulong CC uwa kamai 22 Run wei yoh u pynhaap 2 Wicket.
Ka yalehke wa bood u pynman ha ka 5 tarik hapyrdi ka Khimusniang SC pyrchah ya ka Evergreen SC&CC heipor 8:30 i step.
Ya ka Digital Live Score yong kani ka League ye phi u pait ha https://cricheroes.com/tournament/1406553/wjhdca-district-cricket-league-2025
Discussion about this post