Shillong: Ka Punjab waka Jharkhand da jop ki ha ki jar jiar ki yalehke yong ki haka sngi wa ar ka Hero Junior National Football Championship ya ka Dr. BC Roy Trophy ynne ka sngi.
Haka Group B, ka Punjab da jop ko yaka Kerala da 3-0. U Seilenthang Lotjem da yoh u ar kool (34′, 81′), katwa u Rohit da thap kool u haka minit wa 80 ha JN Stadium. Ka Jharkhand da pynrem ko yaka Manipur da 1-0 lyngba ka Penalty wa thap u Thiyam Amujao Meitei (66′).
Haka Group D ha Third Ground, ka West Bengal waka Jammu and Kashmir da kut ka yalehke khlem em wa yoh u thap kool, ka Karnataka won da wan ko nadien wa chah thap ko ar kool yow pynkut yaka yalehke da 2-2 pyrchah yaka Chhattisgarh. Ka Chhattisgarh da thap kool ko lyngba u Amit Nag (39′) wa u Pritam Limbu (53′ penalty), katwa ka Karnataka da ye ko wow su ya kini ki arkool lyngba u Elangbam Tondon Meitei (72′) wa u Shreyas Ketkar (75′ penalty).
Ka Meghalaya daw yalehke biang ko mynstep deiwa yachem waka Odisha.
Ki yalehke mynstep:
Group A (JN Stadium) – Goa vs Uttar Pradesh (9:30am); Delhi vs Mizoram (2:00pm)
Group C (Third Ground) – Sports Authority of India vs Haryana (9:30am); Meghalaya vs Odisha (2:00pm)
Discussion about this post