15 49.0138 8.38624 1 0 4000 1 https://wyrta.com 300 0

Du hadien 3 sngi uiñ biang i rukom pynlai kari ha Jowai kamwa jooh

0 Comments
Advertisement ad1
Advertisement ad1
Advertisement ad1

Jowai: Ka Jowai Traffic Police kawa da pynthymme yei rukom pynlai kari wa thymme ha Jowai nadooh ka 2 tarik uni u bnai, ynne ka 5 tarik won i rukom pynlai kari da man biang i kamwa jooh (kam iwa rim).

Katkam wa man, neidaw wa ynnin man ko ka sngi Musiang i khynñia kari ha Jowai man i iwa joor lada wyrchaw ya kiwi tawon ki sngi kamtæ kani ka rukom pynlai kari wa thymme da ktah bha ko yei rukom lai ki kari kamtæ da em chiboon i ood i khñium na ki paidbah wa ki kattu katni ki seiñ.

Hawa yaklam wa u DSP (Traffic), u Donkupar Moksha da ong u wa i daw wa pynsangeh chipor yei rukom pynlai kari wa thymme toh wa da sakhi yei sah ki kari kam ha ki thaaiñ Chutwakhu hadooh wa jan poi cha madan Jrisaleiñ.

Da pyntip u leh wa neiliang u Executive Engineer ka PWD, Jowai South Division, da pyntip u wa i kreh ha u sarok wow mih na Thomas Jones Synod College cha Iawmusiang (Blue Heaven Restaurant) da man i iwa jan dep kamtæ manda dep ya ini i bynta u sarok daw pynman noh wow lai ki kari ar-liang (Two Way) wei du hadien itæ ye biang wow pyrchang da iwi tawon i rukom pynlai kari.

Kamwa da sakhi wa ha kini ki le sngi i rukom pynlai kari ha Jowai da wanrah i yei kulmaar kamjooh leh yei klooid ki sarok kam na Newhill cha Iawmusiang tangwa i sah won ki kari da neh i kattu katni ha DC Point wa cha liang Chutwakhu.

Also Read: I rukum pynlai kari wa thymme ha chnong Jowai

Advertisement ad1
Advertisement ad1

0 Comments

Leave a Reply