15 49.0138 8.38624 1 0 4000 1 https://wyrta.com 300 0

Yoh ka Remis Suchiang kawa na Rymbai yaka National Florence Nightingale Award na u President ka ri

0 Comments
Advertisement ad1
Advertisement ad1
Advertisement ad1

Jowai: Ka Remis Suchiang, kawa em 56 snem i rta, kawa naka chnong Rymbai, EJH, kawa kreh kam ka Auxiliary Nurse Midwife (ANM) ha Rymbai PHC, East Jaiñtia Hills District da yoh ko yaka khusnam National Florence Nightingale Award ynne ka 5 tarik ha New Delhi.

Ya kani ka khusnaam da saam da u President ka ri India u Ram Nath Kovind.

Ka Remis Suchiang toh kawa kreh wow chakri yaki paidbah cha ki thaaiñ palat sor nadooh u snem 1983.

Kani ka khusnam wa da e hei pyrtuid ka Florence Nightingale kawa pynkylla thymme yei rukom krehkaam ki Nurse da saam yaka daka Health Ministry nadooh u snem 1973.

Ha kani ka sngi da saam yaki khusnam cha 36 ngut ki Nurse napoh ka ri yei kaam wa bha wa i kreh chitom yong ki haka chnat ka chait ka khiah.

U President hawa e yei klam da ong u wa nachwa kiwa ha yung ha sem kiwa pait ya kiwa da tymmen tangwa katni da kylla ka pyrthai, kamtæ emkaam boon bha ya ki bru kiwa da pyndep yaka puræ wow e yarap e sumaar ya kiwa da heh rta.

Advertisement ad1
Advertisement ad1

0 Comments

Leave a Reply