Ynne ka sngi u montri rangbah ka jylla, u Conrad K. Sangma chirup wa u montri ka chnat PHE, u Renikton Lyngdoh da wai u ya ka yingkieñ lai kjat ha ka Wah Rilang ha chnong Jashiar, SWKH ya kawa da chna lyngba ka Mahatma Gandhi National Rural Employment Guarantee Scheme (MG-NREGS).
Kani ka yingkieñ kawa jrong 53 meter da chna ya ka da ki le tylli ki Village Employment Council (VEC) wa kynthup ya ka Nongbah, Marshillong waka Jashiar kawa da chna pyndep du hapoh le bnai donhi.
Neiliang u Conrad da ong u wa ka Meghalaya da yoh ko ya i naam wa heh heiyatoh wa i pynkrehkaam ya ka MG-NREGS wei da yoh yarap poisa ko hadooh T. 1600 klur iwa boon bar ya ki jylla kam ka Assam.
Da ong u wa ka jylla em ko 30 lak tam ki bru katwa ka Assam em ko palat 3 klur ngut ki bru, tangwa i pynlut ha Meghalaya man i iwa miat wei iwa paka kamtæ da rap yoh ya ka bhah wa rap boon.
