Jowai : U Conrad Sangma, MP uwa man leh kam u National President ka National People’s Party ynne ka sngi ha Jowai da wan u wow pynshkem ya kiwa kreh party heiwa da jied ya kiwa kreh yong ka Nartiang Block Committee, Mowkaiaw Block Committee, Amlarem Block Committee, kamjooh leh ya ka East & West Jaiñtia Hills District Committee .
Ha ka yalang wa da pynman ha yung Club ka Newhill u Conrad Sangma da ong u wa kat cha wa lai u ha jylla Meghalaya i sur ki paidbah toh wa da kot ki ya ka sorkar Congress yong u Dr. Mukul Sangma neidaw ym ye ko u pynhun yei yooluti ki paidbah.
Da ong u wa i duna ka sorkar toh ha waroh i liang nadooh ki tulop ki wa sikai, i yoh khih yoh khan ki bru, i pynku ya ki wa boon jait ki khih ki wa rep wa riang hadooh i wa yatoh wa i chah khang u tih wow chalan mooyong kawa da em kattu la ar snem heiwa hadooh katni leh ka sorkar ym pu ye ko u pynbiang ya ka Mining Plan katkam wa da phah ka NGT. Da ong u ini toh u chimpor du ar bnai don hi wei ya ki chitom ki wa sikai toh iwa ha khlieh dooh i wow kreh ka party.
Hei yatoh wa ka election ha u snem 2018 da ong wa ka NPP daw pynyieñ kyrtong (candidate) ko ha waroh ki constituency ha ri-loom Jaiñtia wei heijooh i por leh smat ko u ya krehlang wa ki Party wa yatoh yumut lang ko.
Da ong u leh wa du ka NPP ka wow ye u yah luti ya ka jylla cha i wa yooluti ki paidbah.
Discussion about this post