Du kiwa yahkhmat wa chkeh wa ye u yarap ya ki paidbah wa sah ha khappood: Conrad

U heh ka NPP uwa man leh u Montri Rangbah ka jylla, u Conrad K Sangma ynnin hawa lai yalap Election da ong u wa ki bru wa sah ha khappood India-Bangladesh chem chitom ki boonjait bha wei du kiwa mihkhmat wa chkeh wa ye u yarap ya ki.

Yeini da ong u hawa lai yalap neibynta u kyrtong ka NPP na 11-Shella Constituency, u Ethan Kharpuri ha ka yalang wa da pynman ha Dalia iwa jngai kamwa 95 Km na Shillong.

U Conrad da ong u wa kani ka Election KHADC toh kawa emkaam bha neibhah daw yarap ko ya ki paidbah ka 11-Shella Constituency deiwa kyntu ya ki paidbah wow kyrchaan ya u kyrtong ka NPP yow ye u pynyajan ya ki paidbah wa ka sorkar hadien wa sñiaw ya ki ood ki bru kiwa klam chwa ya oo ha kani ka yalang. 

U Conrad da pynkynmoo u leh ya i kular u wow pynyabi ya ka Shella wa ka Sohra lyngba u sarok wa miat uwa hoi wow pynemkaam ha kawon kawon ka samoi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u wa ka sorkar NPP ngait skem ko wow wanrah ya ki kaam pynroi salonsar cha waroh.

Heiyatoh wa ki EPIC ha khappood da ong u wa ka sorkar NPP da pynbait ko ya ini i kaam wei yooluti wow pyndep smat yow suk ki paidbah u pynemkaam yei hok yong ki.