Shillong: U Superintendent of Police ka East Khasi Hills, u Sylvester Nongtnger da pyntip u wa katkam i yoh ujor ki pulit, ki kaam pyrchah aiñ ha East Khasi Hills khamtam ha u pood u ang yong ka sor Shillong da rap duna ki ha uni u snem lada nujor wa u snem wa da dep.
Da pyntip u wa katkam wa kheiñ nadooh u Duiatra (Jan) hadooh u Naiynniaw, ki kaam damok kam ki kaam tooh wa kiwi kiwi da duna bha ki lada nujor wa u snem wa da dep.
Katkam wa pyntip u SP wa ha u snem wa da dep, da em hadooh 1546 tylli ki Case wa da Register da ki pulit du ha East Khasi Hills, katwa ha uni u snem hadooh u Naiynniaw da em 821 tylli ki Case wa da Register da ki pulit, kiwa kynthup ya ki kaam tooh kam thok chukor wa ki kaam pyrchah ya ki khynnah wa kiwi kiwi de. Da pyntip u wa kiwa chah pynhaap hapoh ki kyndon ka aiñ POCSO Act da em 41 tylli ki Case, ki kaam tooh da em ki 169 tylli katwa kiwa chah pynngat hapoh ka NDPS Act em ki du 14 tylli.