15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ym slem de u sdang kreh biang yaka Iawmusiang wa da yoh poisa naka sorkar jylla: Phasmon

Advertisement ad1
Advertisement ad1
Advertisement ad1
Advertisement ad1

Jowai: Ka Iawmusiang toh kawi naka yaw warim bha hapoh Ri-loom Jaiñtia wa pynlai daka Jaiñtia Hills Autonomous District Council wei i pynkreh neibynta ka yaw wa thymme da sahteiñ ko kattu da ki phaw snem, tangwa neiliang u EM In-charge ka chnat CWD ka JHADC u Phasmon Dkhar ynne ka sngi da pynsñiaw u yei kyrmen wa wym slem de i pynkreh ya kani ka yaw u sdang biang neibhah wa ka Council da yoh poisa ko lyngba ka bhah ka sorkar jylla kamwa T. 69.20 lak.

Hajrong ini pynsñiaw u yei sñiawsarong ya u Wailadmiki Shylla MLA ka Jowai wa lyngba i kreh chitom yong oo wow yabeh neipor cheipor kamwa da kular paidbah u wa em u i angnood u thooh ki laad ki luti neibynta u pyndep ya kani ka yaw, wei wot nadooh u montri rangbah u Conrad K Sangma leh da dep wan pait u ka.

Da khana u wa kamwa man kattæ, katai ka poisa da psiah ko hapoh ka Account yong ka District Council wei hadien kattu katni sngi hadien wa pyndep yaki kyndon wa toh u bood ryntih, daw phah yaka poisa cha ka chnat PWD kawa toh u pynkreh ya kani ka yaw.

Chooh chooh da pynrap u wa neiliang ka EC leh wym em chong ngiah ko tangwa kreh chitom ko wow pynphet yaki kaam neibynta i roi i paar.

Heijooh i por pynsñiaw won u yei lyngngoh wa ya katai ka poisa wada yoh lyngba i bhah ka sorkar jylla neibynta ka Iawmusiang, ka BJP won lyngba u State President yong ka u Ernest Mawrie wa u Lakhon Biam, MDC JHADC da pynbaad ki deiwa ong wa toh kawa pynemkaam bakla lyngba ka SAG.

Share this:
Previous

Duna ki kaam pyrchah aiñ ha East Khasi Hills hadooh u Naiynniaw

Next

Da pynbna Micro Containment Area yaka Kali Mandir